Nettside Norec
Norsk senter for utvekslingssamarbeid (Norec) er eit kompetansesenter for internasjonalt samarbeid. Som etat under Utanriksdepartementet er vi ein del av Noregs samla innsats for å nå FNs berekraftsmål.
Jobb i Norec
Vil du bidra til at fleire nordmenn får jobb i internasjonale organisasjonar?
Norsk senter for utvekslingssamarbeid (Norec) er eit kompetansesenter for internasjonalt samarbeid. Som etat under Utanriksdepartementet er vi ein del av Noregs samla innsats for å nå FNs berekraftsmål.
Norec har tre samfunnsoppdrag som styrker internasjonalt samarbeid og utvikling:
- Tilskotsforvaltning til internasjonalt samarbeid
Vi forvaltar tilskot til demokratistøtte for norske politiske parti og ungdomsparti i samarbeid med partnarar i låg- og mellominntektsland, og tilskot til gjensidig utveksling av personell mellom organisasjonar i Noreg, Afrika, Asia og Latin-Amerika for kompetansebygging og langsiktig samarbeid. - Uavhengige evalueringar av norsk bistand
Vi gjennomfører evalueringar av norsk utviklingssamarbeid. Denne oppgåva vert gjort av den uavhengige evalueringsavdelinga. - Koordinering av rekruttering til internasjonale organisasjonar
Vi legg til rette for at norske statsborgarar kan arbeide i FN, utviklingsbankar og andre internasjonale organisasjonar.
Gjennom desse oppdraga bidrar Norec til kompetanseutvikling og styrking av internasjonalt samarbeid.
Seksjon for internasjonale organisasjonar
Sidan 2021 har Norec hatt ansvar for å forvalte ulike rekrutteringsordningar for FN-organisasjonar og utviklingsbankane på vegner av Utanriksdepartementet. Oppdraget slik det er i dag inkluderer også eit nettverk for norske tilsette i FN-organisasjonar og dedikerte ressursar knytt til rettleiing for internasjonale karriereløp for norske borgarar.
Rekruttering av norske tilsette er ein viktig del av arbeidet med å fremme norsk utanriks- og utviklingspolitikk gjennom det multilaterale systemet. Sidan Norec overtok ansvaret for å forvalte rekrutteringsoppdraget har det vore i stadig utvikling. Juniorekspertordninga er den største ordninga vi forvaltar. I tillegg kjem seniorsekonderingar, UNV- og praktikantstipend.
Seksjon for internasjonale organisasjonar skal sikre ei heilskapleg, systematisk og strategisk utnytting av dei ulike bidraga Noreg gir til det multilaterale systemet. For at vi skal lukkast med å vidareutvikle og sette i verk oppdraga, blir dette arbeidet no samla i ein egen seksjon.
Ansvars- og arbeidsoppgåver
I den nye seksjonen blir du ein del av Norec sitt oppdrag med rekruttering til norskfinansierte stillingar i internasjonale organisasjonar. Du får vere med og bidra til å bygge opp seksjonen og vidareutvikle oppgåvene som eininga skal levere på, og må difor trivast med å jobbe i eit oppdrag som er i stadig endring og utvikling.
Som rådgivar blir du involvert i alle delane av rekrutteringsoppdraget, frå utarbeiding av innhald i dei norskfinansierte stillingane til sjølve rekrutteringsprosessen og oppfølging av dei som blir tilsett. Andre hovudoppgåver vil vere rettleiing av norske juniorekspertar og nordmenn som jobbar i FN-organisasjonar og utviklingsbankane innan tema som folketrygd og skatt. I tillegg vil du jobbe med karriererettleiing, coaching og andre oppgåver knytt til karriereutvikling.
Til stillinga ligg det også omfattande kontakt med ulike multilaterale organisasjonar, der arbeid opp mot norske kandidatar vil vere ei av oppgåvene. Andre viktige samarbeidspartar vil vere Utanriksdepartementet, Klima- og miljødepartementet og andre bistandsaktørar. Du vil også representere Norec i faglege nasjonale og internasjonale fora.
Vil du vite meir om korleis det er å jobbe i Norec?
Lurer du på korleis ein typisk arbeidsdag i Norec ser ut? Eller lurer du på korleis arbeidsmiljøet vårt er?
Ta gjerne kontakt med programrådgivar Therese på e-post, og spør om det du vil vite meir om.
Har du spørsmål til sjølve stillinga kan du ta kontakt med programdirektøren. Kontaktinformasjon finn du nedst i annonsa.
Kvalifikasjonar
- Relevant høgare utdanning innan til dømes internasjonale relasjonar, statsvitskap, samfunnsvitskap eller HR
- Internasjonal arbeidserfaring frå FN-organisasjoner eller Verdsbanken
- Kompetanse innan utanrikspolitikk og/eller utviklingssamarbeid
- Flytande norsk og engelsk, både munnleg og skriftleg
- Gode ferdigheiter innan relasjons- og nettverksbygging
Om deg
For å lukkast i jobben må du vere samarbeidsorientert og omgjengeleg. Vi ser etter deg som er strukturert, har god gjennomføringsevne og som bidreg til at seksjonen når dei strategiske måla som blir sett. Det er viktig at du klarar å bidra positivt inn i eit oppdrag som er i endring, og at du evnar å ta initiativ og sjå utviklingsmoglegheiter innan arbeidsområdet til seksjonen.
Norec er ein verdibasert arbeidsplass, og vi vil vektlegge personleg integritet og evne til å vise respekt for andre.
Vi tilbyr
- eit godt arbeidsmiljø med positive og ambisiøse kollegaer
- ein arbeidsgivar som legg vekt på utvikling og kompetanseheving
- gode velferdsordningar og fleksibel arbeidstid
- moglegheit for trening i arbeidstida
- høve til å søke om bustadlån i Statens pensjonskasse
Stillinga blir lønna etter statens lønnsregulativ som rådgivar (kode 1434) med lønn frå kroner 550 000 til kroner 670 000 eller som seniorrådgivar (kode 1364) med lønn frå kroner 615 000 til kroner 740 000. Lønnsplassering vil avhenge av utdanning og erfaring.
Vi tilbyr gode pensjons- og forsikringsordningar i Statens pensjonskasse. Frå lønna blir det trekt 2 % til Statens pensjonskasse.
Les dette før du søker:
Mangfald er ein styrke som gjer at vi kan løyse oppgåvene våre endå betre. Difor ønsker Norec medarbeidarar med ulike kompetansar, fagkombinasjonar, livserfaringar og perspektiv.
Har du nedsett funksjonsevne, hol i CV- en eller innvandrarbakgrunn, oppmodar vi deg som søkar til å krysse av for dette i jobbsøkarportalen. Er det kvalifiserte søkarar, kallar vi inn minst éin i kvar gruppe til intervju. Avkryssingane i jobbsøkarportalen blir berre brukt til å velje ut rette kandidatar ut frå desse kriteria, i tillegg til anonymisert statistikk.
Du kan be om å bli unntatt den offentlege søkarlista. Dette må du i tilfelle grunngi. Vi kontaktar deg dersom ønsket ditt ikkje vert teke til følge.
To apply for this job please visit id.jobbnorge.no.
