Måndag 13. juli vart norsk-donert medisinsk utstyr, som inkluderer ansiktmasker, termometer og vernebriller overlevert til Nord-Makedonia for å støtte dei i kampen mot Covid-19. Foto: Forsvaret

– Eg er glad for at feltsjukehuset vi donerte for nokre år sidan blir brukt i kampen mot Covid-19. Donasjonen utstyrer dei med grunnleggjande verktøy for å kjempa mot viruset. Det er også eit lite symbol på vår takksemd til eit alliert land som vi ser på som ein god venn, seier forsvarsminister Frank Bakke-Jensen i ein pressemelding.

Måndag 13. juli vart norsk-donert medisinsk utstyr, som inkluderer ansiktmasker, termometer og vernebriller overlevert til Nord-Makedonia for å støtte dei i kampen mot Covid-19.

Donasjonen er resultatet av eit militært medisinsk samarbeid som starta i 2007. Då vart makedonske legar og sjukepleiarar sendt til Noreg for å bli opplærd av Forsvarets Sanitet til fullt kvalifiserte kirurgiske team. Etter opplæringa vart sju kontingentar av makedonske kirurgiske team sendt ut til Afghanistan og integrert i det norskleidde gjenoppbyggingsteamet i provinsen Faryab (PRT).

Då Noreg i 2012 donerte eit feltsjukehus til Nord-Makedonia lovde norske styresmakter at når feltsjukehuset vart tatt i operativ bruk, så ville det følgje med medisinsk utstyr. Noreg og Serbia har også støtta med utdanning og trening av dei som jobbar på feltsjukehuset.

Annonse
Arabiske filmdager viser det beste fra og om den arabiske verden.  Festivalens 11. utgave blir heldigital og går av stabelen 11.–17. mars på digital.arabiskefilmdager.no.
Arabiske filmdager 11.-17.mars

Frå april har Nord-Makedonia nytta feltsjukehuset til å doble kapasiteten til å handsame Covid-19 pasientar ved «Infectious Disease Clinic» ved sjukehuset i Skopje.

Nord-Makedonias forsvarsminister Radmila Sekerinska uttrykkjer takksemd for Noreg si støtte til Nord-Makedonia:

– Feltsjukehuset vi fekk tidlegare og denne donasjonen av medisinsk utstyr er uvurderlege instrument i kampen mot Covid-19, seier ho.

Vidare understrekar ho at eit slikt samarbeid er ein vinst av medlemskapet i NATO som Nord-Makedonia fekk no i vår.

Kjære leser. Vi har ingen millionærer i ryggen. Våre lesere er våre viktigste støttespillere, nå trenger vi din støtte for å kunne levere mer kritisk og uavhengig global journalistikk. Det beste bidraget er et abonnement ved å benytte en av knappene nedenfor. Tusen takk!